Vimos de recibir a mala nova do pasamento do extraordinario violinista Eduardo Coma, profesor no Conservatorio Profesional de Música do Concello de Carballo. Esta mala nova chega xusto no día no que presentamos a programación de “Novembro con música”, polo que dende o Concello de Carballo tomouse a decisión de dedicarlle, a modo de simbólica homenaxe, esta edición, agardando que a música que tanto amou o acompañe na súa derradeira viaxe.
